തിരുവനന്തപുരം : സ്വര്ണ്ണക്കടത്തുകേസിലെ പ്രതി സന്ദീപ് നായരുടെ നെടുമങ്ങാട്ടെ വിവാദ വര്ക്ക് ഷാേപ്പ് ഉദ്ഘാടനത്തിന് പോയതില് വിശദീകരണവുമായി സ്പീക്കര് ശ്രീരാമകൃഷ്ണന്. നിയമസഭ സമ്മേളിക്കുമ്പോഴല്ല ഉദ്ഘാടനത്തിന് പോയതെന്നും സഭ പിരിഞ്ഞതിനുശേഷമാണ് പോയതെന്നുമാണ് അദ്ദേഹം പറയുന്നത്. സഭ പിരിയുന്നതിന്റെ വീഡിയോ സഹിതമാണ് വിശദീകരണം.
നേരത്തേ സ്പീക്കര് ഉദ്ഘാടനത്തിന് പോയതിനെ വിമര്ശിച്ച് സി ദിവാകരന് എം എല് എ രംഗത്തെത്തിയിരുന്നു. സ്ഥലം എം എല് എ ആയിട്ടും സ്ഥാപനത്തിന്റെ ഉടമയോ സംരഭകരോ ഉദ്ഘാടനത്തിന് ക്ഷണിച്ചിരുന്നില്ല. സ്പീക്കര് വരുന്നുണ്ട് അതുകൊണ്ട് വരണം എന്ന് ആവശ്യപ്പെട്ടത് പാര്ട്ടിയുടെ പ്രാദേശിക പ്രവര്ത്തകരാണ്. നിയമസഭ നടക്കുന്ന സമയത്ത് മുഴുവന് സമയവും സഭാ നടപടികളില് ശ്രദ്ധിക്കാന് ശ്രമിക്കാറുണ്ട്. സ്പീക്കര് വരുന്നെന്ന് കേട്ടപ്പോഴാണ് എന്ത് സ്ഥാപനം ആണെന്ന് അന്വേഷിച്ചത് എന്നാണ് സി ദിവാകരന് ഒരു സ്വകാര്യ ചാനലില് പറഞ്ഞത്.