കോന്നി : സംസ്ഥാനത്ത് എസ് എസ് എൽ സി പരീക്ഷ ആരംഭിച്ചപ്പോൾ കോന്നിയിൽ വിവിധ സ്കൂളുകളിൽ പരീക്ഷ എഴുതിയത് 636 വിദ്യാർഥികൾ. കോന്നി ഗവണ്മെന്റ് ഹയർ സെക്കന്ററി സ്കൂളിൽ നാല് ഡിവിഷനുകളിലായി 183 വിദ്യാർഥികളും എലിമുള്ളുംപ്ലാക്കൽ ഗവണ്മെന്റ് ഹയർ സെക്കന്ററി സ്കൂളിൽ 13 വിദ്യാർഥികളും കോന്നി ആർ വി എച്ച് എസ് എസിൽ 266 വിദ്യാർഥികളും കലഞ്ഞൂർ ഹയർ സെക്കന്ററി സ്കൂളിൽ നാല് ഡിവിഷനുകളിലായി 156 വിദ്യാർഥികളും തേക്കുതോട് ഗവണ്മെന്റ് ഹയർ സെക്കന്ററി സ്കൂളിൽ 18 വിദ്യാർഥികളും എസ് എസ് എൽ സി പരീക്ഷ എഴുതി. ഏപ്രിൽ 29 വരെയാണ് പരീക്ഷ. രാവിലെ 9.45 മുതൽ 11.30 വരെ മലയാളം ഉൾപ്പെടെ ഒന്നാം ഭാഷകളുടെ ഒന്നാം ഭാഗത്തിന്റെ പരീക്ഷയാണ് നടന്നത്. ഇംഗ്ലീഷ് ആണ് അടുത്ത പരീക്ഷ. ഇത് ഏപ്രിൽ ആറിന് നടക്കും. ഹയർ സെക്കന്ററി, വൊക്കേഷനൽ പരീക്ഷകളും ആരംഭിച്ചിട്ടുണ്ട്.
