തിരുവനന്തപുരം : ഈ വര്ഷത്തെ എസ്എസ്എല്സി, പ്ലസ് ടു പരീക്ഷകള് മാറ്റിവെക്കുന്നതിനെ കുറിച്ച് ആലോചിച്ചിട്ടില്ലെന്ന് വിദ്യാഭ്യാസ വകുപ്പ്. നിയമസഭാ തിരഞ്ഞെടുപ്പ് കണക്കിലെടുത്ത് എസ്എസ്എല്സി, പ്ലസ് ടു പരീക്ഷകള് മാറ്റിവെയ്ക്കുമെന്ന തരത്തിലുള്ള വാര്ത്തകള് പ്രചരിച്ചിരുന്നു. ഇത് ശരിയല്ല.
പരീക്ഷകള് മാറ്റിവയ്ക്കണമെന്ന് ആവശ്യപ്പെട്ട് തെരഞ്ഞെടുപ്പ് കമ്മീഷന് കത്ത് നല്കിയിട്ടില്ലെന്നും വിദ്യാഭ്യാസ വകുപ്പ് അറിയിച്ചു. മാര്ച്ച് 17 മുതല് പരീക്ഷകള് ആരംഭിക്കുന്ന തരത്തിലാണ് നടപടികള് പുരോഗമിക്കുന്നത്. 2021 മാര്ച്ച് 17 മുതല് 30വരെയാണ് പരീക്ഷകള്. ഇത് സംബന്ധിച്ച പൂര്ണ വിവരങ്ങള് വെബ്സൈറ്റില് ലഭ്യമാണ്.
