തിരുവനന്തപുരം : സംസ്ഥാനത്തെ സ്കൂള് പൊതുപരീക്ഷകള്ക്ക് ബുധനാഴ്ച രാവിലെ തുടക്കമാകും. 8,59,000 വിദ്യാര്ഥികള് പരീക്ഷയെഴുതും. 900 പരീക്ഷാകേന്ദ്രങ്ങളില് ഒരു ലക്ഷം പ്ലസ് ടു വിദ്യാര്ഥികള് പരീക്ഷ എഴുതാനെത്തും. 4.27 ലക്ഷം വിദ്യാര്ഥികള് 2962 കേന്ദ്രങ്ങളില് എസ്എസ്എല്സി പരീക്ഷയെഴുതും.
പരീക്ഷയ്ക്കുള്ള ചോദ്യപ്പേപ്പറുകള് സ്ട്രോങ്ങ് റൂമുകളില് സൂക്ഷിക്കുന്നു. കടുത്ത കോവിഡ് നിയന്ത്രണങ്ങള് ഇല്ലെങ്കിലും മാസ്കും സാനിറ്റൈസറും നിര്ബന്ധമാണ്. ബുധനാഴ്ച രാവിലെ സ്കൂളുകളുടെ ശുചീകരണം പൂര്ത്തിയാക്കും. പരീക്ഷ നടത്തിപ്പിനുള്ള ഒരുക്കങ്ങള് പൂര്ത്തിയായതായി പൊതുവിദ്യാഭ്യാസ ഡയറക്ടര് അറിയിച്ചു.
