തിരുവനന്തപുരം: ഈ വര്ഷത്തെ എസ്എസ്എല്സി വിജയ ശതമാനത്തില് വര്ധന. 99.70 ശതമാനമാണ് വിജയം. 68604 വിദ്യാര്ത്ഥികള് എല്ലാ വിഷയത്തിലും എ പ്ലസ് നേടി. കണ്ണൂര് ജില്ലയാണ് വിജയശതമാനം ഏറ്റവും കൂടുതലുളള റവന്യൂ ജില്ല. മലപ്പുറം ജില്ലയിലാണ് ഏറ്റവും കൂടുതല് വിദ്യാര്ത്ഥികള് എ പ്ലസ് നേടിയത്. ഏറ്റവും കുറവ് വിജയശതമാനം വയനാട് ജില്ലയിലാണ്. 98.41%. പാലാ, മൂവാറ്റുപുഴ ഉപജില്ലകളില് 100% ആണ് വിജയം. ഏറ്റവും കൂടുതല് എ പ്ലസ് നേടിയത് മലപ്പുറം ജില്ല.
ഈ വര്ഷം 4,19,362 റഗുലര് വിദ്യാര്ഥികളും 192 പ്രൈവറ്റ് വിദ്യാര്ഥികളുമാണ് എസ്എസ്എല്സി പരീക്ഷ എഴുതിയത്. ഇതില് 2,13,801 പേര് ആണ്കുട്ടികളും 2,05,561 പേര് പെണ്കുട്ടികളുമാണ്. ഗള്ഫ് മേഖലയില് 518 വിദ്യാര്ഥികളും ലക്ഷദ്വീപില് 289 വിദ്യാര്ഥികളും ഇക്കൊല്ലം പരീക്ഷ എഴുതി. സര്ക്കാര് സ്കൂളുകളിലായി ആകെ 1,40,703 കുട്ടികളാണ് പരീക്ഷ എഴുതിയത്. ഇതില് 72,031 ആണ്കുട്ടികളും 68,672 പെണ്കുട്ടികളുമാണ്. എയിഡഡ് സ്കൂളുകളില് ആകെ 2,51,567 കുട്ടികളാണ് പരീക്ഷ എഴുതിയത്. 1,27,667 ആണ്കുട്ടികളും 1,23,900 പെണ്കുട്ടികളുമാണ്. അണ് എയിഡഡ് സ്കൂളുകളില് ആകെ 27,092 കുട്ടികള് പരീക്ഷ എഴുതി. 14,103 ആണ്കുട്ടികളും 12,989 പെണ്കുട്ടികളുമാണുള്ളത്.
