റാന്നി : പഴവങ്ങാടി ചെല്ലക്കാട് സെന്റ്.തോമസ് എൽ പി സ്കൂളിൽ നടത്തുന്ന നേതൃത്വ പരിശീലന ക്യാമ്പിന്റെ മൂന്നാം ദിവസ പ്രവർത്തനങ്ങൾ ഗ്രാമപഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം ചെയ്തു. വാർഡ് മെമ്പർ ജിജി വർഗീസ്, പ്രഥമധ്യാപിക അനില റ്റി. ചെറിയാൻ, ക്യാമ്പ് ഡയറക്ടർ കവി ജിനു, പി. റ്റി. എ. പ്രസിഡന്റ് എബ്രഹാം വലിയകാല എന്നിവർ പ്രസംഗിച്ചു. ക്യാമ്പിൽ “കഥയും കുട്ടികളും” എന്ന വിഷയത്തിൽ പത്തനംതിട്ട ഡയറ്റ് റിട്ട. സീനിയർ ലക്ച്ചർ ശ്രീകുമാർ എസ്. നായർ ക്ലാസ്സ് എടുത്തു. ചിത്രരചന ക്ലാസ്സ്, യോഗപഠന ക്ലാസ്സ് എന്നിവയില് ക്യാമ്പിലെ കുട്ടികൾക്ക് പരിശീലനം നൽകി.
