ആറാട്ടുപുഴ : പിതാവ് വീട്ടില്‍ മരിച്ചു കിടന്നത് കൂടെ താമസിക്കുന്ന മകന്‍ അറിഞ്ഞില്ലെന്ന സംഭവത്തില്‍ ദുരൂഹത ഉന്നയിച്ച്‌ ബന്ധുക്കള്‍. മുതുകുളം തെക്ക് ലവ് ഡേയില്‍ സ്റ്റാലിനെയാണ് ചൊവ്വാഴ്ച മരിച്ച നിലയില്‍ കണ്ടെത്തിയത്. പിതാവ് മരിച്ചു കിടക്കുന്നത് അറിഞ്ഞില്ലെന്നാണ് മകന്‍ രാജുവിന്റെ മൊഴി. അമ്മയുമായി പിണങ്ങിക്കഴിയുകയാണ് എന്നാണ് കരുതിയതെന്ന് രാജു പോലീസിന് മൊഴി നല്‍കിയിരുന്നു. തന്റെ മകനാണ് ഇരുവര്‍ക്കും ഭക്ഷണം നല്‍കുന്നത്.
പിതാവും മാതാവും ഒരു മുറിയിലാണ് കിടക്കുന്നത് , ഇവര്‍ കിടക്കുന്ന മുറിയില്‍ തങ്ങള്‍ കയറിയിരുന്നില്ല , സംശയം തോന്നി നോക്കിയപ്പോഴാണ് മരിച്ചു കിടക്കുന്നത് കണ്ടത് എന്നാണ് അജി പോലീസിനോട് പറഞ്ഞത്. എന്നാല്‍ പോലീസോ ബന്ധുക്കളോ ഈ മൊഴി വിലയ്‌ക്കെടുത്തിട്ടില്ല. അച്ഛന്‍ മരിച്ചു കിടന്നിട്ടും, ജഡം ജീര്‍ണ്ണിച്ച്‌ അഴുകിയിട്ടും അജിയോ ഭാര്യയോ അറിഞ്ഞില്ലെന്ന് പറയുന്നത് വിശ്വസിക്കാന്‍ കഴിയില്ലെന്നാണ് സ്റ്റാലിന്റെ സഹോദരന്‍ ഡൊമിനിക് പറയുന്നത്. സംഭവത്തില്‍ സുരൂഹത തുടരുന്നത് കൊണ്ട് തന്നെ സമഗ്രമായ അന്വേഷണം വേണമെന്നാണ് ബന്ധുക്കളുടെ ആവശ്യം.
