തൃശൂര് : സര്ക്കാരിന്റെ വികലമായ വിദ്യാഭ്യാസ നയം തിരുത്തണമെന്നു സംസ്ഥാന പാരന്റ് ടീച്ചേഴ്സ് അസോസിയേഷന് ആവശ്യപ്പെട്ടു. പ്ലസ് വണ് വിദ്യാര്ഥികള്ക്കു സീറ്റ് കുറവാണെന്നുള്ള ആശങ്കയില് രക്ഷിതാക്കളും വിദ്യാര്ഥികളും മാനസിക സമ്മര്ദത്തിലാണെന്നും സംസ്ഥാന പിടിഎ ചൂണ്ടിക്കാട്ടി. ഇത് പരിഹരിക്കണമെങ്കില് നിലവിലുള്ള ഹയര് സെക്കന്ഡറി സ്കൂളുകളില് അനുവദിച്ചിട്ടുള്ള ഓരോ ബാച്ചുകളിലും പത്തുശതമാനം സീറ്റ് വര്ധിപ്പിക്കണമെന്നും, മറിച്ചാണെങ്കില് അത് സീറ്റു ലഭിക്കാതെ മാറിനില്ക്കേണ്ടി വരുന്നതു വിദ്യാര്ഥികളോടു ചെയ്യുന്ന ക്രൂരതയാണെന്നും യോഗം വിലയിരുത്തി.
