കോഴിക്കോട് : റെയിൽപാളത്തിൽ കല്ലുകൾ നിരത്തിയ സ്കൂൾ വിദ്യാർഥികൾ പിടിയിലായി. പണിക്കർ റോഡിന് സമീപമാണ് പാളത്തിൽ കല്ലുകൾ നിരത്തിയത്.തിങ്കളാഴ്ച രാവിലെയോടെയാണ് സംഭവം. മൂന്നു പേരെയും ഗേറ്റ്മാന്മാർ പിടികൂടി റെയിൽവേ സംരക്ഷണ സേനക്ക് കൈമാറുകയായിരുന്നു.
രക്ഷിതാക്കളെയും ചൈൽഡ് ലൈൻ പ്രവർത്തകരെയും സ്റ്റേഷനിലേക്ക് വിളിച്ചുവരുത്തിയശേഷം കുട്ടികളെ കാര്യങ്ങൾ പറഞ്ഞ് മനസ്സിലാക്കി വിട്ടയക്കുകയായിരുന്നു. എൻജിൻ ട്രയൽ റൺ നടത്തുന്നതിനിടെയാണ് ഇവർ പാളത്തിൽ കല്ലുകൾ വെച്ചത്.