താമരശ്ശേരി : നർക്കോട്ടിക് ജിഹാദ്, ലൗജിഹാദ് വിഷയത്തിൽ പാലാ ബിഷപ്പ് മാർ ജോസഫ് കല്ലറങ്ങാട്ടിൽ നടത്തിയ പരാമർശത്തിന് പിന്തുണ പ്രഖ്യാപിച്ച് ബിജെപി സംസ്ഥാന സെക്രട്ടറി പി. രഘുനാഥിന്റെ നേതൃത്വത്തിലുള്ള ബിജെപി പ്രതിനിധി സംഘം താമരശ്ശേരി ബിഷപ്പ് മാർ റെമീജിയോസ് ഇഞ്ചനാനിയിലിനെ സന്ദർശിച്ചു. ചൊവ്വാഴ്ച രാവിലെ പത്തുമണിയോടെയായിരുന്നു താമരശ്ശേരി ബിഷപ്പ് ഹൗസിലെ സന്ദർശനം.
ബിജെപി ഉത്തരമേഖലാപ്രസിഡന്റ് ടി.പി.ജയചന്ദ്രൻ, ജില്ലാപ്രസിഡന്റ് വി.കെ. സജീവൻ, ഒ.ബി.സി. മോർച്ച സംസ്ഥാനപ്രസിഡന്റ് എൻ.പി. രാധാകൃഷ്ണൻ, സംസ്ഥാന കമ്മിറ്റി അംഗം ഗിരീഷ് തേവള്ളി, ജില്ലാ ഭാരവാഹികളായ കെ.വിസുധീർ, ഇ. പ്രശാന്ത് കുമാർ, കൊടുവള്ളി മണ്ഡലം പ്രസിഡന്റ് മനോജ് നടുക്കണ്ടി, തിരുവമ്പാടി മണ്ഡലം പ്രസിഡന്റ് സി.ടി. ജയപ്രകാശ്, വത്സൻ മേടോത്ത്, ജോസ് കാപ്പാട്ടുമല തുടങ്ങിയവർ സന്ദർശക സംഘത്തിലുണ്ടായിരുന്നു. രൂപതാ ചാൻസലർ ഫാ. ബെന്നി മുണ്ടനാട്ട് സന്നിഹിതനായി.