തിരുവനന്തപുരം: സെക്രട്ടേറിയറ്റ് മാർച്ച് അക്രമക്കേസുമായി ബന്ധപ്പെട്ട് അറസ്റ്റിലായ യൂത്ത് കോണ്ഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിലിനെ കന്റോണ്മെന്റ് പോലീസ് സ്റ്റേഷനിൽ എത്തിച്ച് പോലീസ്. സ്റ്റേഷനിലെ റിക്കാർഡിൽ ഒപ്പുവച്ചശേഷം രാഹുലിനെ ബലം പ്രയോഗിച്ച് ജീപ്പിൽ കയറ്റി പോലീസ് മറ്റൊരിടത്തേക്ക് കൊണ്ടുപോയി. മാധ്യമങ്ങളോട് പ്രതികരിക്കവേയാണ് എസ്എച്ച്ഒ ബലം പ്രയോഗിച്ച് രാഹുലിനെ ജീപ്പിൽ കയറ്റിയത്. ഇതിനിടെ താൻ പോലീസിനോട് ഇതുവരെ സഹകരിച്ചില്ലേ എന്നും ബലം പ്രയോഗിക്കരുതെന്നും രാഹുൽ വ്യക്തമാക്കി .
തന്റെ ബഡ്റൂമിൽ എത്തി അറസ്റ്റു ചെയ്തപ്പോൾ താൻ പോലീസ് നടപടിയോട് സഹകരിച്ചില്ലേ എന്നും രാഹുൽ ചോദിച്ചു. ഇതിനിടെ രാഹുലിനെ ബലം പ്രയോഗിച്ച് പോലീസ് ജീപ്പിൽ കയറ്റി കൊണ്ടുപോയി. അതേസമയം രാഹുലിനെ എങ്ങോട്ടാണ് കൊണ്ടുപോയതെന്ന് വ്യക്തമല്ലെന്നും അദ്ദേഹം വ്യക്തമാക്കി.
