കൊല്ലം: കൊല്ലത്ത് കോഴിഫാമില് തെരുവ് നായ ആക്രമണം. തെരുവുനായ്ക്കള് കോഴികളെ കൊന്നൊടുക്കുകയായിരുന്നു. നൂറിലധികം കോഴികള് ചത്തതായി സ്ഥാപന ഉടമ നസീമ പറഞ്ഞു. അതേസമയം സംസ്ഥാനത്ത് തെരുവുനായ ആക്രമണം രൂക്ഷമാവുകയാണ്. തൃശ്ശൂരില് തെരുവ് തെരുവുനായയുടെ ആക്രമണത്തില് വിദ്യാര്ഥിക്ക് ഗുരുതര പരുക്ക്. ചിയ്യാരത്തെ ജെറി യാസിന്റെ മകന് 16 കാരനായ എന് ഫിനോവിനാണ് പരിക്കേറ്റത്. ട്യൂഷന് കഴിഞ്ഞ് മടങ്ങിവരുന്നതുനിടയിലാണ് അപകടം.
അക്രമിക്കുന്നതിനടയില് രക്ഷപെടാന് ശ്രമിക്കുന്നതിനിടെ കുട്ടിയുടെ സൈക്കിള് പോസ്റ്റിലിടിച്ച് മറിയുകയായിരുന്നു. വീഴ്ചയുടെ ആഘാതത്തില് മൂന്ന് പല്ലുകള് കൊഴിഞ്ഞു, മുഖത്ത് പരിക്കേറ്റിട്ടുമുണ്ട്. സുഹൃത്തിനൊപ്പം ട്യൂഷന് കഴിഞ്ഞ് സൈക്കിളില് വരുകയായിരുന്നു ഫിനോ. ഇതിനിടെ തെരുവനായ അക്രമിക്കുകയായിരുന്നു. ഇതില് നിന്ന് നിന്ന് രക്ഷപ്പെടാന് ശ്രമിക്കുന്നതിനിടെ സൈക്കിള് വൈദ്യുതി പോസ്റ്റില് ഇടിച്ചുവീണത്.
