മൂവാറ്റുപുഴ : എറണാകുളം വാളകം ശക്തിപുരത്ത് വീണ്ടും തെരുവുനായയുടെ ആക്രമണം. മൂന്ന് പേര്ക്ക് നായുടെ കടിയേറ്റു. കൂടാതെ പ്രദേശത്ത് വളര്ത്തുമൃഗങ്ങള്ക്കും കടിയേറ്റിട്ടുണ്ട്. കഴിഞ്ഞ ദിവസം വൈകിട്ടോടെയാണ് ആക്രമണം ഉണ്ടായത്. പറമ്പില് ജാതിക്ക പെറുക്കിയിരുന്നയാളെയാണ് നായ ആദ്യം ആക്രമിച്ചത്. തുടര്ന്ന് മറ്റൊരു വീട്ടില് തുണി അലക്കുകയായിരുന്ന പെണ്കുട്ടിയെയും തെരുവുനായ കടിച്ചു.
മൂന്ന് ആടിനെയും ആക്രമിച്ചു. നായയെ ഓടിച്ചവീട്ടമ്മക്കു നേരെയും ആക്രമണം ഉണ്ടായെങ്കിലും ഓടിമാറിയതിനാല് കടിയേല്ക്കാതെ രക്ഷപ്പെട്ടു. രാത്രി 11ന് വീട്ടുമുറ്റത്തു നില്ക്കുകയായിരുന്ന യുവാവിനെയും നായ് കടിച്ചു. ആടുകളെയും വളര്ത്തുനായ്ക്കളെയും തെരുവുനായ് കടിച്ചിട്ടുണ്ട്. നാട്ടുകാരുടെ നേതൃത്വത്തില് തിരച്ചില് നടത്തിയെങ്കിലും തെരുവുനായെ കണ്ടെത്താന് കഴിഞ്ഞിട്ടില്ല. പ്രദേശത്ത് കഴിഞ്ഞ മൂന്നു ദിവസത്തിനിടെ അഞ്ചുപേരെയാണ് തെരുവുനായ് കടിച്ചത്.