പന്തളം : തെരുവുനായയുടെ ആക്രമണത്തിൽ രക്ഷപെടാന് ശ്രമിച്ച വിമുക്തഭടന് കൈയ്ക്ക് പരിക്കേറ്റു. കുരമ്പാല തനിമയിൽ എസ്. തങ്കച്ചനാണ് (മോനി-61) പരിക്കേറ്റത്. രക്ഷപ്പെട്ട് ഓടുന്നതിനിടയില് വയലിലേക്ക് വീഴുകയായിരുന്നു. വീഴ്ചയില് ഇടത് കൈയ്ക്ക് ഒടിവുണ്ട്. കുരമ്പാല അമ്പലത്തിനാൽ ചൂര ജംക്ഷൻ-തവളംകുളം റോഡിൽ വ്യാഴാഴ്ച രാവിലെ ആറോടെയാണ് സംഭവം.
ഭാര്യ മോൻസിയും ഒപ്പമുണ്ടായിരുന്നു. ഇരുവരും പതിവുപോലെ നടക്കാനിറങ്ങിയതാണ്. പെട്ടെന്നാണ് ഒരു കൂട്ടം നായ്ക്കള് കുരച്ചുകൊണ്ട് സമീപത്തേക്ക് ഓടി വന്നത്. ഭയന്നു പോയ താൻ വശത്തെ താഴ്ചയിലേക്ക് ചാടുകയായിരുന്നെന്ന് തങ്കച്ചൻ പറയുന്നു. വയലിൽ വെള്ളം കെട്ടി നില്ക്കുന്നുണ്ടായിരുന്നു. സൈന്യത്തിൽ നിന്നു വിരമിച്ച ശേഷം ബംഗളൂരുവിൽ സ്വകാര്യ സ്കൂളിൽ ഫിസിക്കൽ ട്രെയിനറായി ജോലി ചെയ്യുലയാണ് തങ്കച്ചന്. വെള്ളിയാഴ്ച മടങ്ങി പോകാനിരിക്കയാണ് തെരുവ്നായയുടെ ആക്രമം ഉണ്ടായത്.
