തൃശ്ശൂര്‍: രൂക്ഷമായ തെരുവുനായ പ്രശ്നം നേരിടാന്‍ പരിഹാര നടപടികളുമായി വെറ്റിനറി സര്‍വകലാശാല. ആറിന പരിപാടിക്കാണ് സര്‍വകലാശാല രൂപം നല്‍കിയത്.
1 നായ്ക്കളെ പിടികൂടാന്‍ തൊഴിലാളികള്‍ക്ക് പരിശീലനം. അതിഥി തൊഴിലാളികളെയും ഉള്‍പ്പെടുത്തും
2പേ വിഷ പ്രതിരോധ വാക്സീന്‍ നല്‍കാന്‍ വെറ്റിനറി ഡിപ്ലോമയുള്ളവര്‍ക്കും പാരാമെ‍ഡിക്കല്‍ സ്റ്റാഫിനും പരിശീലനം
3 മണ്ണുത്തി, പൂക്കോട് കാംപസുകളില്‍ നായ്ക്കള്‍ക്ക് പേവിഷ പ്രതിരോധ വാക്സിനേഷന്‍ സൗജന്യമായി നല്‍കും
4 തെരുവുനായ്ക്കളെ പാര്‍പ്പിക്കാനുള്ള ഷെല്‍റ്റര്‍ നിര്‍മാണത്തിന് സാങ്കേതികസഹായം നല്‍കും
5. വന്ധ്യംകരണത്തിനും അനുബന്ധ ചികില്‍സയ്ക്കും ഡോക്ടര്‍മാര്‍ക്ക് പരിശീലനം നല്‍കും
6. പൊതുജനങ്ങള്‍ക്കായി ബോധവല്‍കരണ പരിപാടികള്‍ സംഘടിപ്പിക്കും
വെറ്റിനറി സര്‍വകലാശാലയുടെ പ്രിവന്റീവ് മെഡിസിന്‍, പൊതുജനാരോഗ്യ വകുപ്പുകളുടെ നേതൃത്വത്തിലാണ് പരിപാടി നടപ്പാക്കുന്നത്.
