പത്തനംതിട്ട : ഓമല്ലൂരില് മൂന്നുവയസുകാരിയെയുള്പ്പെടെ 3 പേരെ കടിച്ച തെരുവ് നായയ്ക്ക് പേ വിഷബാധ സ്ഥിരീകരിച്ചു. മൃഗസംരക്ഷണ വകുപ്പിന്റെ ലാബില് നടത്തിയ പരിശോധനയിലാണ് നായയ്ക്ക് പേ വിഷബാധ സ്ഥിരീകരിച്ചത്. നാട്ടുകാര് മുന്കയ്യെടുത്താണ് നായയുടെ സാമ്പിള് പരിശോധനയ്ക്ക് അയച്ചത്. കടിയേറ്റ മൂന്നു വയസുകാരിയുടെ നില ഇപ്പോഴും മാറ്റമില്ലാതെ തുടരുന്നതായാണ് റിപ്പോര്ട്ട്. തലയില് കടി കിട്ടിയാല് ഇത് കൂടുതല് ഗുരുതരമാകുമെന്നാണ് ആരോഗ്യ വകുപ്പ് അധികൃതര് പറയുന്നത്. കുഞ്ഞിന്റെ കണ്ണിന്റെ ഭാഗത്താണ് മുറിവ്. ഇത് വൃത്തിയായി കഴുകി അണുബാധ ഒഴിവാക്കാന് ആണ് ആരോഗ്യ വകുപ്പ് ശ്രമിച്ചത്. വീടിനുള്ളില് കയറിയാണ് നായ കുഞ്ഞിനെ ആക്രമിച്ചത്. ഇതിന് ശേഷം നായയെ നാട്ടുകാര് തല്ലി കൊല്ലുകയും സാമ്പിള് തിരുവല്ലയിലെ മൃഗസംരക്ഷണവകുപ്പിന്റെ ലാബില് പരിശോധനയ്ക്ക് അയക്കുകയും ചെയ്തു. ഇതിന്റെ ഫലം വന്നപ്പോഴാണ് നായയ്ക്ക് പേ വിഷബാധ സ്ഥിരീകരിച്ചത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
