കോന്നി : കോന്നി മെഡിക്കല് കോളേജ് പരിസരത്ത് തെരുവ് നായ ശല്യം രൂക്ഷമാകുന്നു. മെഡിക്കല്കോളേജ് പരിസരത്ത് വലിച്ചെറിയുന്ന മാലിന്യങ്ങളാണ് മെഡിക്കല് കോളേജ് പരിസരത്ത് തെരുവ് നായകളുടെ ശല്യത്തിന് കാരണമാകുന്നത്. മെഡിക്കല് കോളേജ് കവാടത്തിന്റെ പരിസരത്താണ് കൂടുതലും നായകള് കൂട്ടമായി തമ്പടിക്കുന്നത്. കൂട്ടമായി നടക്കുന്ന തെരുവ് നായകള് ഇരുചക്ര വാഹനയാത്രക്കാര്ക്കും ആശുപത്രിയില് എത്തുന്നവര്ക്കും ഒരുപോലെ ഭീഷണിയാകുന്നുണ്ട്. ആശുപത്രി കവാടം, അത്യാഹിത വിഭാഗത്തിന് സമീപം, പുതിയ കെട്ടിടങ്ങള് നിര്മ്മിക്കുന്ന ഭാഗം എന്നിവിടങ്ങള് എല്ലാം തെരുവ് നായകളുടെ ശല്യം വര്ധിച്ചു വരികയാണ്. കോടികള് മുടക്കി മെഡിക്കല് കോളേജ് ആശുപത്രി നിര്മ്മിച്ചെങ്കിലും മാലിന്യം സംസ്കരിക്കാന് ആവശ്യമായ നടപടികള് ഒന്നും തന്നെ ഇവിടെ നടപ്പാക്കിയിട്ടില്ല. ഇപ്പോഴും ആശുപത്രി മാലിന്യങ്ങള് പുറത്തുനിന്നുള്ള ഏജന്സികള് വഴി നീക്കം ചെയ്യുകയാണ്. കൂടാതെ മെഡിക്കല് കോളേജ് പരിസത്ത് മാലിന്യം വലിച്ചെറിയുന്ന സംഭവങ്ങളും വ്യാപകമാകുന്നുണ്ട്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
