ചെങ്ങന്നൂര് : നഗരത്തില് തെരുവ് നായ ആക്രമണം. 6 ഓളം പേര്ക്കാണ് തെരുവു നായയുടെ കടിയേറ്റത്. പരിക്കേറ്റവരെ ജില്ലാ ആശുപത്രിയില് പ്രവേശിപ്പിച്ചു. പ്രായമായവര് ഉള്പ്പടെയുള്ളവര്ക്ക് കടിയേറ്റു. പുലിക്കുന്ന് കൂട്ടപ്പാറയില് ഭാരതി നാരായണന് (70), നൂറ്റവന്പറ സ്വദേശിനി സുസന് എന്നിവര്ക്കും നായയുടെ കടിയേറ്റു. ഇവരെ മാവേലിക്കര ഗവ.ആശുപത്രിയിലേക്ക് മാറ്റി.
എംസി റോഡില് ആശുപത്രി ജംഗ്ഷന് സമീപത്തുവെച്ചാണ് ആദ്യം നായയുടെ ആക്രമണം ഉണ്ടായത്. പിന്നീട് നഗരത്തിന്റെ പല പ്രദേശങ്ങളിലൂടെ ഓടി നടന്നും തെരുവ് നായ ആക്രമണം നടത്തി. എല്ലാവരെയും കടിച്ചത് ഒരു നായ തന്നെയാണെന്ന് ആക്രമണത്തിനിരയായവര് പറഞ്ഞു.
