കോഴിക്കോട്: പ്ലസ്ടൂ വിദ്യാര്ഥിനിയെ വീടിനുള്ളില് തൂങ്ങി മരിച്ച നിലയില് കണ്ടെത്തി.
കോഴിക്കോട് അത്തോളി ഗവണ്മെന്റ് ഹയര്സെക്കന്ഡറി സ്കൂളിലെ പ്ലസ് ടൂ വിദ്യാര്ഥിനിയായ ഖദീജ റെഹ്ഷയെയാണ് മരിച്ച നിലയില് കണ്ടെത്തിയത്. ഞായറാഴ്ച രാത്രി 11ന് ശേഷമാണ് പെണ്കുട്ടി തൂങ്ങി മരിച്ചതെന്നാണ് പോലീസിന്റെ നിഗമനം. ഉറങ്ങാന് കിടന്ന ഖദീജ മുറിയിലെ ഫാനില് തൂങ്ങി മരിക്കുകയായിരുന്നുവെന്ന് പോലീസ് പറഞ്ഞു.
തിങ്കളാഴ്ച പുലര്ച്ചെ രണ്ടരയോടെയാണ് പെണ്കുട്ടിയെ തൂങ്ങിയ നിലയില് വീട്ടുകാര് കണ്ടെത്തിയത്. തുടര്ന്ന് പോലീസില് വിവരം അറിയിക്കുകയായിരുന്നു. പോലീസെത്തി പെണ്കുട്ടിയെ താഴെ ഇറക്കിയെങ്കിലും മരണം സംഭവിച്ചിരുന്നു. മൃതദേഹം പോസ്റ്റ്മോര്ട്ടത്തിനായി കോഴിക്കോട് മെഡിക്കല് കോളേജിലേക്ക് മാറ്റി. മരണത്തില് അത്തോളി പോലീസ് അന്വേഷണം ആരംഭിച്ചു.