മലപ്പുറം: തിരുനാവായയില് വിദ്യാര്ത്ഥി മദ്രസയില് തൂങ്ങിമരിച്ചു. കൈത്തകര ഹിഫ്ളുല് ഖുര്ആന് കോളേജിലെ വിദ്യാര്ത്ഥി സാലിഹാണ് മരിച്ചത്.
സംഭവത്തില് ദുരൂഹത ഉണ്ടെന്നും വിശദമായ അന്വേഷണം വേണമെന്നും ബന്ധുക്കള് ആവശ്യപ്പെട്ടു. കൊണ്ടോട്ടി കാടപടി സ്വദേശിയാണ് സാലിഹ്. കൈത്തകര ഹിഫ്ളുല് ഖുര്ആന് കോളേജിലെ വിദ്യാര്ത്ഥിയാണ് 11 വയസ്സുള്ള സാലിഹ് .
താമസിച്ച് പഠിക്കുന്ന കെട്ടിടത്തിന്റെ മുകളിലെ നിലയില് ആണ് പുലര്ച്ചെ മൃതദേഹം കണ്ടെത്തിയത്. ജംഷീര് – ഷഹര്ബാന് ദമ്പതികളുടെ ഇരട്ടക്കുട്ടികളിലുള്ള മകനാണ് സാലിഹ് . കൂടെയുള്ള കുട്ടി ഈ സമയം വീട്ടിലായിരുന്നു. കഴിഞ്ഞ ദിവസമാണ് സാലിഹ് വീട്ടില് പോയി തിരിച്ചു വന്നത്. പഠിക്കാന് മിടുക്കനായ സാലിഹ് ആത്മഹത്യ ചെയ്യില്ലെന്നും മരണത്തില് ദുരൂഹതയുണ്ടെന്നും ബന്ധുക്കള് പറഞ്ഞു. പോലീസും ഫോറന്സിക് വിദഗ്ധരും സ്ഥലത്തെത്തി പരിശോധന നടത്തി. കല്പകഞ്ചേരി പോലീസിന്റെ നേതൃത്വത്തില് അന്വേഷണം ആരംഭിച്ചു.
