പത്തനംതിട്ട: പത്തനംതിട്ട നഗരസഭ ആറാം വാർഡിൽ വിദ്യാർത്ഥി സംഗമവും വാർഡ് കൗൺസിലറുടെ ‘കൈത്താങ്ങ്’ പദ്ധതി പ്രകാരമുള്ള പഠനോപകരണ വിതരണവും സംഘടിപ്പിച്ചു. മൈലാടുംപാറ മൂലമുറിയിൽ കൺവെൻഷൻ സെന്ററിൽ സംഘടിപ്പിച്ച ചടങ്ങിൽ വാർഡിലെ 160-ഓളം കുട്ടികൾക്കുള്ള പഠനോപകരണങ്ങളുടെ വിതരണവും, എസ്.എസ്.എൽ.സി, പ്ലസ് ടു, ഡിഗ്രി പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥികളെ ആദരിക്കുന്ന ചടങ്ങും നടന്നു. വാർഡ് കൗൺസിലർ ബിജി മോൾ മാത്യു പരിപാടിയുടെ ഉദ്ഘാടനം നിർവ്വഹിച്ചു.
തുടർന്ന് കുട്ടികൾക്കായി സംഘടിപ്പിച്ച പ്രത്യേക സെഷനിൽ, ‘പഠനം എങ്ങനെ ആനന്ദകരമാക്കാം’ എന്ന വിഷയത്തെ ആസ്പദമാക്കി കരുണാകരൻ പരുത്തിയാനിക്കൽ ക്ലാസ് നയിച്ചു. മുൻ കൗൺസിലർ ജെറി അലക്സ്, സി.ഡി.എസ് മെമ്പർ സന്ധ്യാ പനയ്ക്കൽ, എ.ഡി.എസ് പ്രസിഡന്റ് ഉഷ ചന്ദ്രൻ, അങ്കണവാടി അധ്യാപിക ശാന്തകുമാരി, എ.ഡി.എസ് വൈസ് പ്രസിഡന്റ് ബ്ലസി രാജു, സെക്രട്ടറി പ്രവീണ മനോജ്, ശശിധരൻ കുളത്താനിയിൽ, ജയ കലാഷ്, അരുൺ അലക്സ് എന്നിവർ ചടങ്ങിൽ സംസാരിച്ചു.
