അജ്മാൻ : ശാസ്ത്രലോകത്തെ വാഗ്ദാനങ്ങളാവുകയാണ് അജ്മാൻ ജെറഫിലെ വുഡ്ലം പാർക്ക് സ്കൂൾവിദ്യാർഥികൾ. സ്കൂളിലെ നാലാംക്ലാസ് വിദ്യാർഥികളൊരുക്കിയ ക്യൂരിയോസിറ്റി കോർണറിലൂടെയാണ് പുതുശാസ്ത്ര പരീക്ഷണങ്ങൾക്ക് തുടക്കമിട്ടത്. സ്വന്തമായി ലാവാലാമ്പുകൾ നിർമിച്ച് ശ്രദ്ധനേടിയിരിക്കുന്നു ഇവിടത്തെ വിദ്യാർഥികൾ.
കൂട്ടായ ശ്രമങ്ങളുടെ ഭാഗമായി വിദ്യാർഥികളുടെ ഈ ശാസ്ത്രീയപരീക്ഷണത്തെ അധ്യാപകരും രക്ഷിതാക്കളും അഭിനന്ദിക്കുകയും പ്രോത്സാഹിപ്പിക്കുകയും ചെയ്യുന്നു. ഇതോടെ കൂടുതൽ പരീക്ഷണങ്ങൾക്കും ശാസ്ത്രീയകണ്ടുപിടിത്തങ്ങൾക്കും വുഡ്ലംപാർക്ക് സ്കൂൾവിദ്യാർഥികൾ തുടക്കമിടുകയാണ്.
