കോന്നി : അച്ചന്കോവിലാറ്റിലെ ഐരവണ് പുതിയകാവ് ക്ഷേത്രത്തിന് സമീപമുള്ള കൊടിഞ്ഞുമൂല കടവില് ഒഴുക്കില്പ്പെട്ട പ്ലസ് ടു വിദ്യാര്ഥികള് മുങ്ങിമരിച്ചു. കോന്നി പയ്യനാമണ് സ്വദേശി ഷിബിന് ബിനോയ്, കോന്നി ആനക്കൂട് റോഡില് താമസിക്കുന്ന ഡെന്നീസ് ഷിബു എന്നിവരാണ് മരണപ്പെട്ടത്. ഇരുവരും കോന്നി ഐരവണ് പി.എസ്.വി.പി.എം ഹയര് സെക്കണ്ടറി സ്കൂളിലെ വിദ്യാര്ഥികളാണ്. ഉച്ചയ്ക്ക് രണ്ടേകാലോടെയായിരുന്നു അപകടം. അവധി ദിവസമായതിനാല് സ്കൂളില് വോളിബോള് പരിശീലത്തിനായി എത്തിയതായിരുന്നു കുട്ടികള്.
പരിശീലത്തിനുശേഷം സമീപത്തുള്ള കൊടിഞ്ഞുമൂല കടവില് കുളിക്കുവാനിറങ്ങിയതായിരുന്നു ഇവര്. ഇവരോടൊപ്പം ഒരു വിദ്യാര്ഥി കൂടി ഒഴുക്കില്പ്പെട്ടിരുന്നു. ഈ കുട്ടിയെ നാട്ടുകാര് ചേര്ന്ന് കരയിലെത്തിച്ചു. ഒരാള് അപകടം നടന്ന സ്ഥലത്ത് വെച്ചുതന്നെ മരണപ്പെട്ടു. മറ്റൊരാളെ കോന്നി മെഡിക്കല് കോളേജില് എത്തിച്ചതിന് ശേഷമാണ് മരണം സംഭവിച്ചത്. ഇരുവരുടെയും മൃതദേഹങ്ങള് കോന്നി മെഡിക്കല് കോളേജ് ആശുപത്രിയിലേക്ക് മാറ്റി. കോന്നി ഫയര് ഫോഴ്സും കോന്നി പോലീസും സ്ഥലത്തെത്തി നടപടികള് സ്വീകരിച്ചു.
