തിരുവനന്തപുരം: പിഎം ശ്രീ പദ്ധതിയിലൂടെ കേന്ദ്രത്തിന്റെ രാഷ്ട്രീയ അജണ്ട നടപ്പാക്കാനാണ് ലക്ഷ്യമിടുന്നതെങ്കിൽ കേരളത്തിൽ പദ്ധതി നടപ്പാക്കാൻ അനുവദിക്കില്ലെന്ന് യൂത്ത് ലീഗ് സംസ്ഥാന പ്രസിഡന്റ് മുനവ്വറലി തങ്ങൾ. പദ്ധതിയുമായി ബന്ധപ്പെട്ട് വിദ്യാഭ്യാസ മന്ത്രിക്ക് ആശയക്കുഴപ്പമൊന്നുമില്ലെന്നും മന്ത്രിസഭാ ഉപസമിതിയുടെ റിപ്പോർട്ടിനായി കാത്തിരിക്കുകയാണെന്നും അദ്ദേഹം പറഞ്ഞു. പിഎം ശ്രീ പദ്ധതി കേരളത്തിൽ നടപ്പാക്കേണ്ടതില്ലെന്ന നിലപാടാണ് യൂത്ത് ലീഗിനുള്ളതെന്നും മുനവ്വറലി തങ്ങൾ വ്യക്തമാക്കി. നേരത്തെ വിവിധ സമ്മേളനങ്ങളിലൂടെയും യൂത്ത് ലീഗ് ഈ നിലപാട് വ്യക്തമാക്കിയിട്ടുണ്ട്.
അതേസമയം പദ്ധതിയുടെ പ്രായോഗിക വശങ്ങൾ സർക്കാർ പരിശോധിച്ചുവരികയാണ്. വിഷയം മന്ത്രിസഭാ ഉപസമിതിയുടെ പരിഗണനയിലാണെന്നും അതിന്റെ റിപ്പോർട്ട് ലഭിച്ച ശേഷമായിരിക്കും തുടർനടപടികളെന്നും അദ്ദേഹം പറഞ്ഞു. കേന്ദ്ര ഫണ്ട് ലഭിക്കുന്നതിനു പുറമെ മറ്റൊരു അജണ്ട കൂടി പദ്ധതിക്ക് പിന്നിലുണ്ടെങ്കിൽ അത് അംഗീകരിക്കാനാകില്ല. അത്തരമൊരു സാഹചര്യത്തിൽ പിഎം ശ്രീ പദ്ധതി പുനഃപരിശോധിക്കണമെന്ന ആവശ്യം യൂത്ത് ലീഗ് ശക്തമായി ഉന്നയിക്കുമെന്നും മുനവ്വറലി തങ്ങൾ പറഞ്ഞു.
