തിരുവനന്തപുരം: ജീവനൊടുക്കിയ നിലയില്‍ കണ്ടെത്തിയയാള്‍ക്ക് കോവിഡ് സ്ഥിരീകരിച്ചു. വേളിയിലെ പൂട്ടിക്കിടക്കുന്ന ഇംഗ്ലീഷ് ഇന്ത്യന്‍ ക്ലേ ഫാക്ടറിക്കുള്ളില്‍ ജീവനൊടുക്കിയ നിലയില്‍ കണ്ടെത്തിയ പ്രഫുല്‍ കുമാറിനാണ് കോവിഡ് സ്ഥിരീകരിച്ചത്.
മൃതദേഹം പോസ്റ്റുമോര്‍ട്ടം ചെയ്യുന്നതിന് മുന്നോടിയായി നടത്തിയ പരിശോധനയിലാണ് രോഗബാധ കണ്ടെത്തിയത്. ഇതേതുടര്‍ന്ന് മൃതദേഹത്തിന്‍റെ ഇന്‍ക്വസ്റ്റ് നടപടികള്‍ക്ക് നേതൃത്വം നല്‍കിയ സബ് കളക്ടറും പോലീസ് ഉദ്യോഗസ്ഥരും ക്വാറന്‍റൈനില്‍ പോകേണ്ടി വരും. പ്രഫുല്‍ കുമാറിന്‍റെ മരണവുമായി ബന്ധപ്പെട്ട് ശനിയാഴ്ച വലിയ വിവാദം നടന്നിരുന്നു. മൃതദേഹം കൊണ്ടുപോകാനുള്ള ശ്രമം തൊഴിലാളി യൂണിയനുകള്‍ തടഞ്ഞിരുന്നു. പിന്നീട് ജില്ലാ കളക്ടര്‍ ഇടപെട്ടതിനെ തുടര്‍ന്നാണ് മൃതദേഹം കൊണ്ടുപോകാനായത്.
കഴിഞ്ഞ 146 ദിവസങ്ങളായി ഇംഗ്ലീഷ് ഇന്ത്യന്‍ ക്ലേ ഫാക്ടറി പൂട്ടിക്കിടക്കുകയാണ്. ശമ്ബളവും ആനുകൂല്യങ്ങളും കിട്ടാനായി തൊഴിലാളികള്‍ അനിശ്ചിതകാല സമരം നടത്തുന്നതിനിടെയാണ് പ്രഫുല്‍ കുമാര്‍ ജീവനൊടുക്കിയത്.
