തിരുവനന്തപുരം: സ്വര്ണക്കടത്തുകേസില് റിമാന്ഡില് കഴിയുന്ന പ്രതി സ്വപ്ന
സുരേഷിനെ ആശുപത്രിയില് പ്രവേശിപ്പിച്ചു. തിരുവനന്തപുരം മെഡിക്കല് കോളജ് ആശുപത്രിയിലാണ് സ്വപ്നയെ പ്രവേശിപ്പിച്ചത്. തലകറക്കം അനുഭവപ്പെട്ടതിനെ തുടര്ന്നാണ് സ്വപ്നയെ ആശുപത്രിയില് പ്രവേശിപ്പിച്ചതെന്ന് ജയില് അധികൃതര് അറിയിച്ചു.
അതേസമയം, ഡോളര് കടത്ത് കേസില് ചോദ്യം ചെയ്യേണ്ടവരുടെ പട്ടിക തയാറാക്കി കസ്റ്റംസ്. പട്ടികയില് സാധാരണ ജീവനക്കാര് മുതല് ഭരണസിരാകേന്ദ്രത്തിലെ ഉന്നതര് വരെയുണ്ടെന്നാണ് അറിയുന്നത്. രാഷ്ട്രീയപ്രമുഖര്, ഉദ്യോഗസ്ഥര് തുടങ്ങിയവരടക്കം 20 ലധികം ആളുകളെ ചോദ്യം ചെയ്യേണ്ടതുണ്ടെന്ന നിലപാടിലാണ് കസ്റ്റംസ്.
കള്ളക്കടത്ത് കേസില് പ്രതികളായ സ്വപ്നയുടെയും സരിത്തിന്റെയും രഹസ്യമൊഴികളുടെ അടിസ്ഥാനത്തിലാണ് കസ്റ്റംസ് ചോദ്യം ചെയ്യാനുള്ളവരുടെ പട്ടിക തയാറാക്കിയത്. ഇവരെ നാളെ മുതല് ചോദ്യം ചെയ്യലിനായി വിളിപ്പിക്കാനാണ് കസ്റ്റംസിന്റെ തീരുമാനം
