ആലപ്പുഴ : കായംകുളം വള്ളികുന്നത്ത് മൂന്നു മാസം മുമ്പ് വിവാഹിതയായ സുചിത്ര ഭര്ത്താവിന്റെ വീട്ടില് തൂങ്ങി മരിച്ച കേസിന്റെ അന്വേഷണ ചുമതല ചെങ്ങന്നൂര് ഡി.വൈ.എസ്.പിക്ക് കൈമാറി. ജില്ലാ പോലീസ് മേധാവിയാണ് അന്വേഷണ ചുമതല ഡി.വൈ.എസ്.പിക്ക് കൈമാറിയത്. കായംകുളം ലക്ഷ്മി ഭവനത്തില് സൈനികനായ വിഷ്ണുവിന്റെ ഭാര്യ സുചിത്ര (19) ദിവസങ്ങള്ക്ക് മുമ്പാണ് ആത്മഹത്യ ചെയ്തത്.
ഭര്ത്താവിന്റെ അച്ഛനും അമ്മയും മാത്രമാണ് വീട്ടിലുണ്ടായിരുന്നത്. വീട്ടിലെ കിടപ്പുമുറിയില് തൂങ്ങിയ നിലയില് സുചിത്രയെ കണ്ടെത്തുകയായിരുന്നു. മാര്ച്ച് 21 നായിരുന്നു വിവാഹം. ഒരു മാസം മുമ്പാണ് ഭര്ത്താവ് വിഷ്ണു ജാര്ഖണ്ഡിലെ ജോലി സ്ഥലത്തേക്ക് മടങ്ങിപ്പോയത്. ഫോണ് വിവരങ്ങളടക്കം പരിശോധിക്കുമെന്ന് ചെങ്ങന്നൂര് ഡി.വൈ.എസ്.പി പറഞ്ഞു.