കൊല്ലം: ബ്യൂട്ടീഷ്യനായ സുചിത്രപിള്ളയെ പാലക്കാട് കൊണ്ടുപോയി കൊലപ്പെടുത്തി മൃതദേഹം വെട്ടിമുറിച്ച് പെട്രോള് ഒഴിച്ച് കത്തിച്ചെന്ന കേസില് പ്രതി പ്രശാന്ത് നമ്പ്യാര്ക്ക് ജീവപര്യന്തം തടവ് വിധിച്ചു. കൊല്ലം ഒന്നാം അഡീഷനല് സെഷന്സ് കോടതിയാണ് ശിക്ഷിച്ചത്. കൊല്ലം മുഖത്തല സ്വദേശിനിയായ സുചിത്രയെ പാലക്കാട് മണലിയിലെ വാടക വീട്ടിലെത്തിച്ച് കൊലപ്പെടുത്തിയെന്നാണ് കേസ്. 2020 മാര്ച്ച് 20 നായിരുന്നു കൊലപാതകം. സുചിത്രയെ പാലക്കാട് മണലിയില് സുഹൃത്തിന്റെ വീടിനുസമീപം കൊന്ന് കുഴിച്ചിട്ടനിലയില് കണ്ടെത്തുകയായിരുന്നു. ഇവരുടെ സുഹൃത്തും സംഗീതാധ്യാപകനുമായ കോഴിക്കോട് ചങ്ങരോത്ത് സ്വദേശി പ്രശാന്താണ് പ്രതി.
1കൊല്ലം പള്ളിമുക്കിലെ അക്കാദമി സെന്ററില് ബ്യൂട്ടീഷന് ട്രെയിനര് ആയി ജോലി ചെയ്യുകയായിരുന്ന തന്റെ മകള് സുചിത്രയെ കുറച്ചു ദിവസമായി കാണാനില്ല എന്നുകാട്ടി അമ്മ വിജയലക്ഷ്മി ടീച്ചര് ഹൈക്കോടതിയില് നല്കിയ ഹേബിയസ് കോര്പ്പസ് ഹര്ജിയുടെ ചുവടുപിടിച്ച് നടന്ന വിശദമായ അന്വേഷണത്തില് ചുരുളഴിഞ്ഞത് കേരള സമീപകാലത്ത് കണ്ട സമാനതകളില്ലാത്ത അതിക്രൂരമായ ഒരു കൊലപാതകത്തിന്റേതായിരുന്നു. ഭാര്യയുടെ കുടുംബസുഹൃത്തായ സുചിത്രയുമായി സൗഹൃദത്തിലായ പ്രശാന്ത് സാമൂഹികമാധ്യമങ്ങളിലൂടെ കൂടുതല് അടുപ്പത്തിലായി. ഇവരില്നിന്ന് പലപ്പോഴായി 2.75 ലക്ഷം രൂപ
വാങ്ങുകയും ചെയ്തു. ഇതുസംബന്ധിച്ച തര്ക്കമാണ് കൊലപാതകത്തിലേക്ക് നയിച്ചത്.