റാന്നി: എസ് സി ഹയർ സെക്കൻഡറി സ്കൂളിന് സമീപം കരിമ്പു ജ്യൂസ് സെന്റര് ഉദ്ഘാടനം ചെയ്തു. പുനലൂര്-മൂവാറ്റുപുഴ സംസ്ഥാന പാതയോടു ചേർന്നാണ് സെന്റര് ആരംഭിച്ചത്. സ്ത്രീ സംരംഭക കുരുടാമണ്ണിൽ കാന്തപ്പള്ളിൽ റിട്ടയേർഡ് അധ്യാപിക അനിത കെ മാത്യൂസ്, മാത്യൂസ് എന്ന കർഷകനുമായി ചേർന്ന് നടത്തുന്ന കരിമ്പു കൃഷിയില് നിന്നാണ് ജ്യൂസിനാവശ്യമായ കരിമ്പ് എടുക്കുന്നത്. മൂന്നേക്കറോളം സ്ഥലത്താണ് ജൈവ കൃഷിയില് നിന്നുള്ള കരിമ്പു ഉത്പാദിപ്പിക്കുന്നത്. പഴവങ്ങാടി ഗ്രാമപഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം ചെയ്തു. പഴവങ്ങാടിക്കര ഇമ്മാനുവേൽ ഇടവക സഹ വികാരി റവ ഫാദർ സന്തോഷ് ജോസഫ്, വാർഡ് അംഗം റൂബി കോശി, സജി തുടങ്ങിയവര് പരിപാടിയില് പങ്കെടുത്തു.
