ഇടുക്കി: ഇടുക്കിയില് മൊബൈല് ടവറിന് മുകളില് കയറി യുവാവിന്റെ ആത്മഹത്യാ ഭീഷണി. മറയൂര് പെട്രോള് പമ്പ് ജംക്ഷനിലാണ് യുവാവ് ആത്മഹത്യാ ഭീഷണി മുഴക്കിയത്. മറയൂര് മിഷന് വയല് സ്വദേശി ‘നരി’ എന്നറിയപ്പടുന്ന മണികണ്ഠപ്രഭു (35) ആണ് ആത്മഹത്യാഭീഷണി മുഴക്കിയത്. കുടുംബ പ്രശ്നത്തെ തുടര്ന്ന് കഴിഞ്ഞ ദിവസം ഉച്ചയോട് കൂടി മൊബൈല് ടവറിന് മുകളില് കയറിയ മണികണ്ഠപ്രഭു താഴേക്കു ചാടുമെന്ന് അറിയിച്ച് ഭീഷണി മുഴക്കുകയായിരുന്നു.
തുടര്ന്ന് മറയൂര് സിഐറ്റിസി മുരുകന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി. ആദ്യം പോലീസും നാട്ടുകാരും ചേര്ന്ന് മണികണ്ഠ പ്രഭുവിനെ അനുനയിപ്പിക്കാന് ശ്രമിച്ചുവെങ്കിലും താഴെക്കിറങ്ങിയില്ല. മണികണ്ഠ പ്രഭുവിന്റെ മക്കളെ സ്ഥലത്തെത്തിച്ചു. ഇവര് അച്ഛനോട് സംസാരിപ്പിച്ച ശേഷമാണ് ഇയാള് താഴെ ഇറങ്ങാന് സമ്മതിച്ചത്.
