മുംബൈ : ഐഐടി വിദ്യാര്‍ഥി കാമ്പസ് കെട്ടിടത്തിന്റെ ഏഴാം നിലയില്‍ നിന്ന് ചാടി ആത്മഹത്യ ചെയ്‌തു. മുംബൈ ഐഐടിയിലെ രണ്ടാംവര്‍ഷ മാസ്‌റ്റേഴ്‌സ് വിദ്യാര്‍ഥിയായ 26കാരനാണ് ജീവനൊടുക്കിയത്. തിങ്കളാഴ്‌ച പുലര്‍ച്ചെയായിരുന്നു സംഭവം. വിദ്യാര്‍ഥിയെ ഘാട്കോപ്പറിലെ രാജവാഡി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഹോസ്‌റ്റലില്‍ നിന്നും പോലീസ് ആത്മഹത്യ കുറിപ്പ് കണ്ടെടുത്തിട്ടുണ്ട്.
താന്‍ വിഷാദ രോഗത്തിന് അടിമയായിരുന്നുവെന്നും ചികില്‍സയിലാണെന്നും വിദ്യാര്‍ഥി കുറിപ്പില്‍ പറയുന്നു. തന്റെ മരണത്തിന് ആരും ഉത്തരവാദികളല്ലെന്നും കുറിപ്പില്‍ എഴുതിയിട്ടുണ്ടെന്ന് പോലീസ് പറഞ്ഞു. സംഭവത്തില്‍ അസ്വാഭാവിക മരണത്തിന് കേസെടുത്തിട്ടുണ്ടെന്നും വിശദമായ അന്വേഷണം നടന്നുവരികയാണെന്നും പവായ് പോലീസ് വ്യക്‌തമാക്കി.
