ഒഡീഷ : പത്മശ്രീ പുരസ്കാര ജേതാവ് ശാന്തി ദേവി അന്തരിച്ചു. പ്രശസ്ത ഗാന്ധിയയും സാമൂഹിക പ്രവര്ത്തകയുമായ ശാന്തി ദേവി ഞായറാഴ്ച രാത്രി ഒഡീഷയിലെ രായഗഡ ജില്ലയിലെ ഗുണുപൂരില് വെച്ച് അന്തരിച്ചു. 88 വയസായിരുന്നു. മാവോയിസ്റ്റ് ആധിപത്യമുള്ള രായഗഡ ജില്ലയില് ആറ് പതിറ്റാണ്ടോളം പാവപ്പെട്ടവരെ സേവിച്ചു.
ദരിദ്രരും പാര്ശ്വവല്ക്കരിക്കപ്പെട്ടവരുമായ വിഭാഗങ്ങള്ക്കിടയിലെ ആറു പതിറ്റാണ്ടുകളായി സേവനമനുഷ്ഠിച്ചതിനും ഗോത്രവര്ഗ പെണ്കുട്ടികളുടെ ഉന്നമനത്തിനുമായി ശാന്തി ദേവിയെ രാഷ്ട്രപതി രാം നാഥ് കോവിന്ദ് അടുത്തിടെ ഇന്ത്യയിലെ മൂന്നാമത്തെ ഉയര്ന്ന സിവിലിയന് ബഹുമതിയായ പത്മശ്രീ നല്കി ആദരിച്ചു.
വിട്ടുമാറാത്ത ബാക്ടീരിയ അണുബാധയായ യാവ്സ് നിര്മാര്ജനം ചെയ്യുന്നതിനുള്ള പ്രവര്ത്തനത്തിന് അവര് പ്രശസ്തയായിരുന്നു. അവരുടെ വിയോഗത്തെ തുടര്ന്ന് വിവിധ കോണുകളില് നിന്ന് അനുശോചനം രേഖപ്പെടുത്തുകയും രാഷ്ട്രീയ നേതാക്കള് അവര്ക്ക് സമൃദ്ധമായ ആദരാഞ്ജലികള് അര്പ്പിക്കുകയും ചെയ്തു. പത്മശ്രീ ശാന്തി ദേവിയുടെ നിര്യാണത്തില് പ്രധാനമന്ത്രി നരേന്ദ്ര മോദി ട്വിറ്ററില് അനുശോചനം രേഖപ്പെടുത്തി.
