തിരുവല്ല : കുടുംബ വഴക്കിനെ തുടർന്ന് ദേഹത്ത് പെട്രോൾ ഒഴിച്ച് തീ കൊളുത്തിയ ഗൃഹനാഥൻ മരിച്ചു. കവിയൂർ കോട്ടൂർ പിച്ചകശ്ശേരിൽ വീട്ടിൽ ഓമനക്കുട്ടൻ (63) ആണ് കോട്ടയം മെഡിക്കൽ കോളേജ് ആശുപത്രിയിൽ വെച്ച് ഇന്ന് പുലർച്ചെ നാലു മണിയോടെ മരിച്ചത്. ഇന്നലെ രാത്രി എട്ടു മണിയോടെ ഭാര്യയോടും മക്കളോടും വഴക്കുണ്ടാക്കിയ ശേഷം കിടപ്പുമുറിയിൽ കയറി കതകടച്ച ഓമനക്കുട്ടൻ ദേഹത്ത് പെട്രോൾ ഒഴിച്ച് തീ കൊളുത്തുകയായിരുന്നു. വാതിൽ ചവിട്ടിത്തുറന്ന് ഗുരതരമായി പൊള്ളലേറ്റ ഓമനക്കുട്ടനെ തിരുവല്ല താലൂക്ക് ആശുപത്രിയിലും പിന്നീട് കോട്ടയം മെഡിക്കൽ കോളേജിലും പ്രവേശിപ്പിക്കുകയായിന്നു. അസ്വാഭാവിക മരണത്തിന് തിരുവല്ല പോലിസ് കേസെടുത്തു.
