കൊച്ചി : സര്ക്കാര് തീരുമാനത്തിനെതിരെ പ്രതിഷേധം ശക്തമാക്കാന് ഫെഫ്ക ഒരുങ്ങുന്നു. തീയേറ്ററുകള് കോവിഡ് നിയന്ത്രണത്തിന്റെ ഭാഗമായി അടയ്ക്കാനുള്ള തീരുമാനനത്തിനെതിരെയാണ് പ്രതിഷേധം. ആരോഗ്യമന്ത്രി കോവിഡ് നിയന്ത്രണത്തിനായി തീയേറ്ററുകള് അടയ്ക്കുന്നത് എന്ത് ശാസ്ത്രീയ വിവരത്തിന്റെ അടിസ്ഥാനത്തിലാണെന്ന് വ്യക്തമാക്കണമെന്ന് ചലച്ചിത്ര സാങ്കേതിക പ്രവര്ത്തകരുടെ സംഘടനയായ ഫെഫ്ക ആവശ്യപ്പെട്ടു.
രാജ്യത്ത് എവിടെയെങ്കിലും തീയറ്ററുകള് കോവിഡ് വ്യാപന കേന്ദ്രമായി റിപ്പോര്ട്ട് ചെയ്തിട്ടുണ്ടോയെന്നും സംസ്ഥാനത്തെ തീയറ്ററുകള് മാത്രം അടച്ചിടുന്നത് എന്തുകൊണ്ടാണെന്നും ഫെഫ്ക ചോദിച്ചു. വിദഗ്ധ സമിതി പ്രേക്ഷകരോട് ഇക്കാര്യത്തില് ഉത്തരം പറയണം. പ്രേക്ഷകരെ പ്രവേശിപ്പിക്കുന്നത് അന്പത് ശതമാനം സീറ്റുകളിലാണ് എന്നും അതിനാല് ഇതില് പുനരാലോചന വേണമെന്നും ഫെഫ്ക പറഞ്ഞു.
