കോഴിക്കോട് : വെസ്റ്റ്ഹിൽ അത്താണിക്കലിൽ നട്ടപ്പാതിരക്ക് തെങ്ങിന്റെ മണ്ടയിൽ കയറി യുവാവിന്റെ ആത്മഹത്യഭീഷണി. ഭാര്യ പിണങ്ങിപ്പോയതിൽ പ്രതിഷേധിച്ചാണത്രെ തെങ്ങിൽ കയറി താഴേക്ക് ചാടുമെന്ന് ഭീഷണി മുഴക്കിയത്. കൊല്ലം സ്വദേശി മനോജാണ് കഴിഞ്ഞ ദിവസം രാത്രി നാട്ടുകാരെയും പോലീസിനെയും വട്ടം കറക്കിയത്.
അത്താണിക്കൽ ആശ സൂപ്പർമാർക്കറ്റിന് സമീപം ഇയാൾ താമസിക്കുന്ന വാടകവീടിന്റെ അടുത്തുള്ള തെങ്ങിലാണ് കയറിയത്. ഭാര്യ പിണങ്ങി കൊല്ലത്തേക്ക് തിരിച്ചിരുന്നു. ബീച്ച് ഫയർഫോഴ്സ് നടത്തിയ അനുനയ നീക്കം വിജയിച്ചു. രാത്രി 12.30 ഓടെ യുവാവ് താഴെയിറങ്ങി. എലത്തൂർ പോലീസും സ്ഥലത്തെത്തി.
