ഡല്ഹി: നടി ജാക്വിലിന് ഫെര്ണ്ണാണ്ടസിന് ജയിലില് നിന്നും വീണ്ടും കത്തെഴുതി സുകേഷ് ചന്ദ്രശേഖര്. ഈസ്റ്റര് ആശംസകള് നേര്ന്നുള്ളതാണ് കത്ത്. ജാക്വലിന് ഫെര്ണാണ്ടസിന് ജന്മദിനത്തില് കത്തെഴുതി ദിവസങ്ങള്ക്ക് ശേഷമാണ് ഈസ്റ്റര് ആശംസകള് നേര്ന്ന് വീണ്ടും കത്തെഴുതിയിരിക്കുന്നത്. നിലവില് തിഹാര് ജയിലിലാണ് സുകേഷ് ചന്ദ്രശേഖര്. കത്തില് ജാക്വലിന്റെ ഏറ്റവും പുതിയ പരസ്യം കണ്ടതിനെ കുറിച്ച് സുകേഷ് പരാമര്ശിച്ചു. 200 കോടി രൂപയുടെ കള്ളപ്പണം വെളുപ്പിക്കല് കേസിലെ മുഖ്യപ്രതിയാണ് സുകേഷ് ചന്ദ്രശേഖര്.
‘മൈ ബേബി… നീ എത്ര സുന്ദരിയാണെന്ന് നിനക്ക് വല്ല ധാരണയുമുണ്ടോ. ഈ ഭൂമിയില് നിന്നെപ്പോലെ സുന്ദരിയായി മറ്റാരുമില്ല. എന്റെ ബണ്ണി റാബിറ്റ്, ഞാന് നിന്നെ സ്നേഹിക്കുന്നു, മൈ ബേബി’ കത്തില് സുകേഷ് എഴുതി. ഇതെല്ലാം ഉടന് ശരിയാകുമെന്നും അടുത്ത ഈസ്റ്റര് ജാക്വലിന് ഫെര്ണാണ്ടസിന്റെ എക്കാലത്തെയും മികച്ച ഈസ്റ്ററായിരിക്കുമെന്നും ചന്ദ്രശേഖര് കത്തില് കുറിച്ചു.
