തിരുവല്ല : എസ്സിഎസ് ഹയർ സെക്കൻഡറി സ്കൂൾ ഗ്രൗണ്ടിൽ പത്തനംതിട്ട ജില്ലാ ഫുട്ബോൾ അസോസിയേഷനും എസ് സിഎസ് ഫുട്ബോൾ അക്കാഡമിയും സംയുക്തമായി നടത്തുന്ന സമ്മർ ഫുട്ബോൾ പരിശീലന ക്യാമ്പ് ആരംഭിച്ചു. തോമസ് മാർ തിമോത്തിയോസ് എപ്പിസ്കോപ്പ ഉദ്ഘാടനം ചെയ്തു. പെൺകുട്ടികളടക്കം 80 കുട്ടികൾ ക്യാമ്പിൽ പങ്കെടുക്കുന്നുണ്ട്. കേരള ഫുട്ബോൾ അസോസിയേഷൻ ട്രഷറാർ ഡോ. റെജിനോൾഡ് വർഗീസാണ് ക്യാമ്പ് ഡയറക്ടർ. ജില്ലാ ഫുട്ബോൾ അസോസിയേഷൻ പരിശീലകരായ അനീഷ് കുമാർ, ജോൺ തോമസ്, ആശിഷ് അനിയൻ ചാക്കോ,
കാർത്തിക് തുടങ്ങിയവർ സഹ പരിശീലകരായുണ്ട്. സ്കൂൾ മാനേജർ കുരുവിള മാത്യു അധ്യക്ഷത വഹിച്ചു. സ്കൂൾ പ്രിൻസിപ്പൽ ജോൺ കെ. തോമസ്, ഹെഡ്മിസ്ട്രസ് റെനി വർഗീസ്, ഫുട്ബോൾ അസോസിയേഷൻ പ്രസിഡൻ്റ ജോളി അലക്സാണ്ടർ, സെക്രട്ടറി ജോയി പൗലോസ്, വൈസ് പ്രസിഡൻ്റുമാരായ എം. മാത്യൂസ്, വർഗീസ് മാത്യു, മു ൻ നഗരസഭ ചെയർമാൻ കോശി തോമസ്, കായികാധ്യാപിക വിബിത ജോർജ്, ഡോ.റെജിനോൾഡ് വർഗീസ്, ലീന എന്നിവർ പ്രസംഗിച്ചു.
