ന്യൂഡല്ഹി : ഇന്ത്യന് ഫുട്ബോളിന് മുതല്ക്കൂട്ടായേക്കാവുന്ന തീരുമാനവുമായി സുപ്രീം കോടതി. എ.ഐ.എഫ്.എഫിന്റെ (ഓള് ഇന്ത്യ ഫുട്ബോള് ഫെഡറേഷന്) എല്ലാ കാര്യങ്ങളും നോക്കുന്നതിനായി മുന് ജസ്റ്റിസ് അനില് ആര് ദവെ, ഡോ.എസ്.വൈ ഖുറേഷി, മുന് ഇന്ത്യന് താരം ഭാസ്കര് ഗാംഗുലി എന്നിവരടങ്ങുന്ന താത്കാലിക ഭരണസമിതിയെ സുപ്രീം കോടതി നിയോഗിച്ചു. പ്രഫുല് പട്ടേലിന്റെ നേതൃത്വത്തിലുള്ള കമ്മിറ്റിയുടെ കാലാവധി 2020ല് കഴിഞ്ഞതിനുപിന്നാലെ ഓള് ഇന്ത്യ ഫുട്ബോള് ഫെഡറേഷന്റെ പ്രവര്ത്തനങ്ങളെല്ലാം കുഴഞ്ഞ് മറിഞ്ഞിരുന്നു. സന്തോഷ് ട്രോഫി ഫുട്ബോളിന് സംപ്രേക്ഷണം ഇല്ലാതിരുന്നത് ആരാധകരെ നിരാശരാക്കിയതിന് പുറമെ രാജ്യത്തിന് തന്നെ നാണക്കേടായി മാറിയിരുന്നു.
