ന്യൂഡല്‍ഹി: സുപ്രീം കോടതി ജീവനക്കാരന് കോറോണ വൈറസ് ബാധ സ്ഥിരീകരിച്ചു . വൈറസ് ബാധ സ്ഥിരീകരിച്ച ഇദ്ദേഹം കഴിഞ്ഞ ആഴ്ച രണ്ടു തവണ കോടതിയിലെത്തിയിരുന്നു. ഇദ്ദേഹത്തിന്റെ സമ്പര്‍ക്ക പട്ടിക നിര്‍മ്മാണം പുരോഗമിക്കുകയാണെന്ന് അധികാരികള്‍ അറിയിച്ചു . വൈറസ് സ്ഥിരീകരണത്തിന്റെ പശ്ചാത്തലത്തില്‍ കോടതിയിലെ രണ്ട് രജിസ്ട്രാര്‍മാരോട് വീട്ടില്‍ നിരീക്ഷണത്തില്‍ക്കഴിയാന്‍ ആവശ്യപ്പെട്ടു. രാജ്യത്ത് ഇതുവരെ 28,830 പേര്‍ക്കാണ് കോവിഡ് സ്ഥിരീകരിച്ചത്. 886 പേര്‍ രോഗബാധമൂലം മരണപ്പെട്ടു. 6,362 പേര്‍ രോഗമുക്തി നേടിയിട്ടുണ്ട്
