തിരുവനന്തപുരം: മതസ്പര്ധ വളര്ത്തുന്നതിനെതിരെയുള്ള വകുപ്പ് ചുമത്തി സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണനെതിരെ കേസെടുക്കണമെന്ന് ബി.ജെ.പി സംസ്ഥാന അദ്ധ്യക്ഷന് കെ സുരേന്ദ്രന്. അഴിമതി മറയ്ക്കാന് സി.പി.എം വര്ഗീയ രാഷ്ട്രീയം പയറ്റുന്നുവെന്ന് പാര്ട്ടി മുഖപത്രത്തിലെഴുതിയ എഴുതിയ ലേഖനത്തില് സുരേന്ദ്രന് ആരോപിക്കുന്നു.
അന്വേഷണത്തെ മുഖ്യമന്ത്രി പിണറായി വിജയന് രഹസ്യമായി അട്ടിമറിക്കുകയാണെന്ന് അദ്ദേഹം ആരോപിച്ചു. നാണംകെടും മുമ്പ് രാജി വെയ്ക്കണമെന്നും സുരേന്ദ്രന് ആവശ്യപ്പെടുന്നു. ‘ദേശദ്രോഹികള്ക്ക് താവളമൊരുക്കിയ പിണറായി സര്ക്കാര് രാജിവെച്ച് ഒഴിയും വരെ കേരളത്തില് ഉയര്ന്നുവന്ന ജനകീയ സമരത്തിന് അവസാനമുണ്ടാകില്ല’-അദ്ദേഹം ലേഖനത്തില് പറയുന്നു.
ഖുറാന് വിതരണം ചെയ്തതിനെ ബി.ജെ.പി എതിര്ത്തിട്ടില്ല. നിയമവിരുദ്ധമായി സ്വര്ണവും പണവും കടത്തിയതിനെതിരെയാണ് പാര്ട്ടി രംഗത്തെത്തിയതെന്നും സുരേന്ദ്രന് വ്യക്തമാക്കി.
