റാന്നി: സുരേഷ് ജേക്കബ് അനുസ്മരണം നടത്തി. സി.പി.ഐ മണ്ഡലം സെക്രട്ടറി ടി.ജെ ബാബുരാജ് അധ്യക്ഷത വഹിച്ചു. ലോക്കല്‍ സെക്രട്ടറി എ.ജി ഗോപകുമാര്‍ അനുസ്മരണ പ്രമേയം അവതരിപ്പിച്ചു. പഴവങ്ങാടി ഗ്രാമ പഞ്ചായത്തംഗം, സി.പി.ഐ മണ്ഡലം സെക്രട്ടറിയേറ്റംഗം, ലോക്കല്‍ സെക്രട്ടറി, റാന്നി സെന്‍റ് തോമസ് കോളേജ് ഭരണസമതിയംഗം, റാന്നി പള്ളിയോട ഭരണസമതിയംഗം, ജനമൈത്രി പോലീസ് സമിതിയംഗം തുടങ്ങി വിവിധ മേഖലകളില്‍ സജീവമായ സാന്നിധ്യമായിരുന്നു സുരേഷ് ജേക്കബ് എന്ന് സി.പി.ഐ സംസ്ഥാന കണ്‍ട്രോള്‍ കമ്മീഷനംഗവും ഓയില്‍പാം ഇന്ത്യാ ചെയര്‍മാനുമായ എം.വി വിദ്യാധരന്‍ അനുസ്മരണ സമ്മേളനത്തില്‍ പറഞ്ഞു.
സി.പി.ഐ സംസ്ഥാനകമ്മിറ്റിയംഗം ഡി.സജി, പഴവങ്ങാടി ഗ്രാമ പഞ്ചായത്ത് പ്രസിഡന്‍റ് അനിതാ അനില്‍കുമാര്‍, സി.പി.ഐ(എം) പഴവങ്ങാടി ലോക്കല്‍ സെക്രട്ടറി കെ.കെ സുരേന്ദ്രന്‍,കോണ്‍ഗ്രസ് പഴവങ്ങാടി മണ്ഡലം പ്രസിഡന്‍റ് എ.ജി ആനന്ദന്‍ പിള്ള, കേരള കോണ്‍ഗ്രസ് നിയോജക മണ്ഡലം പ്രസിഡന്‍റ് ആലിച്ചന്‍ ആറൊന്നില്‍, മുസ്ലിംലീഗ് മണ്ഡലം പ്രസിഡന്‍റ് അന്‍സാരി മന്ദിരം, റാന്നി പള്ളിയോട സംഘം പ്രസിഡന്‍റ് പി.എന്‍ നീലകണ്ഠന്‍ നമ്പൂതിരി, സന്തോഷ് കെ.ചാണ്ടി, എം.വി പ്രസന്നകുമാര്‍, ലിസി ദിവാന്‍,ആര്‍ നന്ദകുമാര്‍, വി.ടി ലാലച്ചന്‍ എന്നിവര്‍ അനുസ്മരണം നടത്തി.
