കൊച്ചി: മതവിദ്വേഷ പ്രചാരണം നടത്തിയെന്ന കേസില് സ്വപ്നയുടെ അഭിഭാഷകന് ആര്. കൃഷ്ണരാജിന് മുന്കൂര് ജാമ്യം അനുവദിച്ചു. എറണാകുളം പ്രിന്സിപ്പല് സെഷന്സ് കോടതിയാണ് ജാമ്യം അനുവദിച്ചത്. കെ.എസ്.ആര്.ടി.സി ഡ്രൈവറുടെ ചിത്രം ഉപയോഗിച്ച് സമൂഹമാദ്ധ്യമങ്ങളിലൂടെ മതവിദ്വേഷം പ്രചരിപ്പിച്ചതിനാണ് കൃഷ്ണരാജിനെതിരെ എറണാകുളം സെന്ട്രല് പോലീസ് കേസെടുത്തത്.
ജാമ്യം അനുവദിച്ചില്ലെങ്കില് പ്രഥമദൃഷ്ട്യാ കുറ്റം നിലനില്ക്കുമെന്ന വ്യാഖ്യാനമുണ്ടാകുമെന്നും അങ്ങനെവന്നാല് തന്റെ ജീവന് ഭീഷണിയാകുമെന്നും കൃഷ്ണരാജ് കോടതിയില് വാദിച്ചു. ഉദയ്പൂര് സംഭവത്തിന്റെ പത്രവാര്ത്തകള് അടക്കം ഉയര്ത്തിക്കാട്ടിയായിരുന്നു വാദം. ഏത് ജാമ്യവ്യവസ്ഥയും അംഗീകരിക്കാന് തയ്യാറാണെങ്കിലും കൃഷ്ണരാജ് അറിയിച്ചിരുന്നു.