മുംബൈ : അനുപം ഖേറും മിഥുന് ചക്രവര്ത്തിയും പ്രധാന കഥാപാത്രങ്ങളെ അവതരിപ്പിക്കുന്ന ദ കശ്മീര് ഫയല്സ് മികച്ച പ്രതികരണം നേടി മുന്നേറുകയാണ്. ചിത്രത്തെ പ്രശംസിച്ച് നിരവധിപേരാണ് എത്തുന്നത്. ബോക്സ് ഓഫീസിലും ചിത്രം വലിയ വിജയം ആണ് നേടുന്നത്. എന്നാല് ഇപ്പോള് ചിത്രത്തിന്റെ സംവിധായകനെ പരിഹസിച്ച് എത്തിയിരിക്കുകയാണ് നടി സ്വരാ ഭാസ്ക്കര്. ‘നിങ്ങളുടെ പ്രയത്നത്തിന്റെ ഫലമായി, നിങ്ങളുടെ വിജയത്തെ ആരെങ്കിലും അഭിനന്ദിക്കണം എന്ന് ആഗ്രഹിക്കുന്നുണ്ടെങ്കില് കുറഞ്ഞത് അവരുടെ തലയില് കയറിയിരുന്ന് വിലസാതെയെങ്കിലും ഇരിക്കുക’ കശ്മീര് ഫയലിന്റെ പേരെടുത്ത് പറയാതെയാണ് സ്വര വിമര്ശിച്ചത്. വിവേക് അഗ്നിഹോത്രിയുടെ നേതൃത്വത്തില്, കശ്മീരി പണ്ഡിറ്റുകളുടെ ജീവിതത്തെ അടിസ്ഥാനമാക്കിയുള്ളതാണ് കശ്മീര് ഫയല്സ്, യഥാര്ത്ഥ സംഭവങ്ങളില് നിന്ന് പ്രചോദനം ഉള്ക്കൊണ്ടതാണ്. ചിത്രം 2022 മാര്ച്ച് 11 ന് തിയേറ്ററുകളില് റിലീസ് ചെയ്തത്.
