കോന്നി : മലയാലപുഴ ഗ്രാമപഞ്ചായത്തിലെ ജനപ്രതിനിധികളുടെ സത്യപ്രതിജ്ഞ ചടങ്ങ് നടന്നു. പത്തനംതിട്ട സോയിൽ സർവേ ഓഫീസർ ജസ്റ്റിൻ സത്യപ്രതിജ്ഞ ചടങ്ങിൽ വരണാധികാരിയായിരുന്നു. മുതിർന്ന അംഗം കിഴക്ക്പുറം ഏഴാം വാർഡിൽ നിന്ന് വിജയിച്ച ബീരാൻ വടക്ക്പുറത്തിന് വരണാധികാരി സത്യവാചകം ചൊല്ലി നൽകിയ ശേഷം ബീരാൻ വടക്ക്പുറം മറ്റ് അംഗങ്ങൾക്ക് സത്യവാചകം ചൊല്ലിനൽകി.
മലയാലപുഴ പഞ്ചായത്തിലെ വിവിധ വാർഡുകളിൽ നിന്ന് മത്സരിച്ചു വിജയിച്ച മിനി ജോൺ, ദിലീപ് കുമാർ, കെ ആർ ശ്യാമള, ബിന്ദു പ്രദീപ്, എൻ വളർമതി, എൻ എസ് ശശി ലത, എ ശ്യാംലാൽ, ഗീതാകുമാരി, പ്രീജ പി നായർ, മലയാലപുഴ മോഹനൻ, വിഷ്ണു പ്രസാദ്, ബിന്ദു, എം രാജേഷ് തുടങ്ങിയവർ സത്യവാചകം ഏറ്റുചൊല്ലി. തുടർന്ന് ബീരാൻ വടക്കുപുറത്തിന്റെ അധ്യക്ഷതയിൽ ആദ്യ യോഗവും നടന്നു. സി പി ഐ ജില്ലാ എക്സിക്യൂട്ടീവ് അംഗം മലയാലപുഴ ശശി, സി പി ഐ കോന്നി മണ്ഡലം അസിസ്റ്റന്റ് സെക്രട്ടറി പി എസ് ഗോപാലകൃഷ്ണപിള്ള, സി ജി പ്രദീപ്, പ്രസാദ്, വിവിധ രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുത്തു.
