തിരുവനന്തപുരം : നഗരത്തില് 4 കിലോമീറ്റര് ചുറ്റളവില് കേരള പോലീസിനു കോടികള് ചെലവിട്ട് 3 നീന്തല്ക്കുളങ്ങള്. ഒരു സ്വിമ്മിങ് പൂളിനു ശരാശരി അരക്കോടി മുതല് ഒരു കോടി രൂപ വരെ ചെലവുണ്ട്. ചന്ദ്രശേഖരന് നായര് സ്റ്റേഡിയത്തിലെ നീന്തല്ക്കുളത്തില് പണം കൊടുത്തു ജനങ്ങള്ക്കും നീന്താം.
പേരൂര്ക്കട എസ്എപി ക്യാംപിലെ പൂളില് പോലീസുകാരെ നീന്തല് പഠിപ്പിക്കുന്നു. ഈ ക്യാംപിന് എതിര്വശത്തു റോഡിനപ്പുറം പോലീസ് ഗെസ്റ്റ് ഹൗസായ അഗസ്ത്യയിലാണു മൂന്നാമത്തെ നീന്തല്ക്കുളം. ആകെയുള്ള 16 മുറികളില് പത്തെണ്ണം മുന്തിയ സ്വീറ്റ് റൂമുകളാണ്. അവിടെ ഐപിഎസുകാര്ക്കു വാടക നാമമാത്രം. മറ്റു സേനാംഗങ്ങള് ഉയര്ന്ന നിരക്കു നല്കണം. കോടികള് മുടക്കി നിര്മിച്ച ഗെസ്റ്റ് ഹൗസില് പൂള് മാത്രമല്ല, ബില്യഡ്സ് ടേബിള്, ജിം, പാര്ട്ടി ഏരിയ എന്നിവയുമുണ്ട്.
