പാലക്കാട്: ഇ ഡി യുടെ പ്രതികാര രാഷ്ട്രീയത്തിനെതിരെ കോണ്ഗ്രസ് ശക്തമായി പ്രതിഷേധിക്കുമെന്ന് കോണ്ഗ്രസ് നേതാവ് ടി സിദ്ദിഖ് എംഎല്എ. നാഷനല് ഹെറാള്ഡ് കേസില് കോണ്ഗ്രസ് അധ്യക്ഷ സോണിയ ഗാന്ധിയെ ഇ.ഡി ചോദ്യം ചെയ്ത നടപടിയില് രാജ് ഭവന് മുന്നില് മുതിര്ന്ന കോണ്ഗ്രസ് നേതാക്കള് പ്രതിഷേധം നടത്തിയിരുന്നു. മുതിര്ന്ന നേതാക്കളായ വി ഡി സതീശന്, രമേശ് ചെന്നിത്തല ഉള്പ്പെടെയുള്ള നേതാക്കളെ പോലീസ് അറസ്റ്റ് ചെയ്തിരുന്നു. ഇതിന് പിന്നാലെയാണ് പ്രതിഷേധവുമായി കോണ്ഗ്രസ് നേതാവ് ടി സിദ്ദിഖ് രംഗത്തെത്തിയത്. ഫേസ്ബുക്കിലൂടെയായിരുന്നു ടി സിദ്ദിഖിന്റെ പ്രതികരണം.
