പത്തനംതിട്ട : പന്തളം നഗരസഭ 2021-22 വാർഷിക പദ്ധതിയിൽ പട്ടികജാതി വിദ്യാർത്ഥികൾക്കു മേശയും കസേരയും വിതരണം ചെയ്തു. മുടിയൂർക്കോണം മന്നത്ത് കമ്മ്യൂണിറ്റി സെന്ററിൽ നടന്ന ചടങ്ങ് നഗരസഭാദ്ധ്യക്ഷ സുശീല സന്തോഷ് ഉദ്ഘാടനം ചെയ്തു. വികസനകാര്യ സ്ഥിരം സമിതി അദ്ധ്യക്ഷൻ ബെന്നി മാത്യു അദ്ധ്യക്ഷത വഹിച്ചു. നഗരസഭ ഉപാദ്ധ്യക്ഷ യു. രമ്യ വിതരണോദ്ഘാടനം നിർവ്വഹിച്ചു.
ക്ഷേമ കാര്യ സ്ഥിരം സമിതി അദ്ധ്യക്ഷ സീന കെ, പൊതു മരാമത്ത് സ്ഥിരം സമിതി അദ്ധ്യക്ഷ രാധ വിജയകുമാർ, കൗൺസിലർമാരായ അരുൺ, കെ.ആർ. വിജയകുമാർ, സൗമ്യ സന്തോഷ്, സുനിത വേണു, പി.കെ. പുഷ്പലത, ഉഷ മധു, പന്തളം മഹേഷ്‌ എന്നിവർ പ്രസംഗിച്ചു. പദ്ധതിയിൽ 100 കുട്ടികൾക്കാണ് മേശയും കസേരയും വിതരണം ചെയ്യുന്നത്.
