കോന്നി : എങ്ങുമെത്താതെ പഞ്ചായത്തിലെ താലൂക്ക് ആശുപത്രി- ആർ.വി.എച്ച്.എസ്. റോഡ് നിർമാണം. ഒക്‌ടോബറിൽ ഇതിന്‍റെ പണി തുടങ്ങിയതാണ്. സ്ലാബുകൾ മാറ്റിയും പൈപ്പുലൈനുകൾ പൊട്ടിച്ചും ഇട്ടശേഷം പണികൾക്ക് വേഗതയില്ല. സ്‌കൂൾ കുട്ടികളും രോഗികളും ആശ്രയിക്കുന്ന വഴിയാണിത്‌. റോഡരികിലെ താമസക്കാരനായ പൂവാടിയിൽ ജേക്കബ്ബ് ശാമുവേലിന് റോഡിലേക്ക് ഇറങ്ങാൻ പറ്റാത്ത അവസ്ഥയാണ് ഇപ്പോഴുള്ളത്. ഈ വീട്ടിലേക്കുള്ള കുടിവെള്ള വിതരണവും മുടങ്ങിയിരിക്കുകയാണ്.
