കൊല്ലം; കൈക്കൂലി വാങ്ങുന്നതിനിടെ താലൂക്ക് സര്വേയര് പിടിയില്. കൊല്ലം അഞ്ചലിലാണ് സംഭവം. പുനലൂര് താലൂക്കിലെ സര്വേയര് മനോജ് ലാലാണ് വിജിലന്സിന്റെ പിടിയിലായത്. വസ്തു അളന്നു തിട്ടപെടുത്തുന്നതുമായി ബന്ധപ്പെട്ട് മനോജ് ലാല് 2000 രൂപ കൈക്കൂലി വാങ്ങുന്നതിനിടയിലാണ് കൊല്ലം വിജിലന്സിന്റെ പിടിയിലായത്. കൊല്ലം വിജിലന്സ് ഡിവൈഎസ്പി അബ്ദുല്വഹാബിന്റെ നേതൃത്വത്തിലുള്ള സംഘമാണ് മനോജ് ലാലിനെ അറസ്റ്റ് ചെയ്തത്.
മനോജ് ലാല് കരവാളൂര് സ്വദേശിയുടെ വസ്തു അളന്നു തിട്ടപെടുത്തുന്നതുമായി ബന്ധപ്പെട്ട് 5000 രൂപ കൈക്കൂലി ആവശ്യപ്പെടുകയായിരുന്നു. തുടര്ന്ന് പരാതിക്കാരന് വിജിലന്സിന് പരാതി നല്കി. വിജിലന്സ് നല്കിയ പണം അഞ്ചല് മിനി സിവില് സ്റ്റേഷന് പരിസരത്തു വെച്ചു പരാതിക്കാരന് മനോജിന് കൈമാറുന്നതിനിടയിലാണ് പിടിയിലായത്. വിജിലന്സ് പണം പിടിച്ചെടുക്കുകയും മനോജ് ലാലിന്റെ അറസ്റ്റ് ചെയ്യുകയും ചെയ്തു.