ചെന്നൈ : പത്താംക്ലാസ് പരീക്ഷ തമിഴ്നാട് സര്ക്കാര് റദ്ദാക്കി. കോവിഡ് വ്യാപനം രൂക്ഷമാകുന്നത് കണക്കിലെടുത്താണ് നടപടി. നേരത്തെ തമിഴ്നാട് പൊതുവിദ്യാഭ്യാസ വകുപ്പ് മെയ് മൂന്നു മുതല് 21 വരെ പരീക്ഷകള് നടത്താനായിരുന്നു നിശ്ചയിച്ചിരുന്നത്. എന്നാല് നിയമസഭ തെരഞ്ഞെടുപ്പ് വന്നതോടെ പരീക്ഷാ തീയതികള് മാറ്റി. മെയ് അഞ്ചു മുതല് 31 വരെ നടത്താന് തീരുമാനിച്ചു.
ഇതിനിടെ സംസ്ഥാനത്ത് കോവിഡ് വ്യാപനം വീണ്ടും രൂക്ഷമായി. തഞ്ചാവൂര് ജില്ലയില് 14 സ്കൂളുകളില് കോവിഡ് പടര്ന്നു പിടിക്കുന്ന സ്ഥിതിയുണ്ടായി. പന്ത്രണ്ടാം ക്ലാസ് പരീക്ഷകള് മെയ് 31 മുതല് നടത്തുന്നത് തമിഴ്നാട് വിദ്യാഭ്യാസവകുപ്പ് പരിഗണിക്കുന്നുണ്ട്.
